Polari

Polari (aa: Palari, Palarie, Parlare, Parlary, Parlyaree,^[1] vo ital. parlare ‚sprechen‘) is a Argot, a Soziolekt unta Theata- und Zirkusleid in Großbritannien, dea aa in dea Homosexuellnszene vo den 1930er bis in de 1970er Joarn vawendt woan is. D Uasprung is unklor, de Wurzeln lossn se af jedn Foi bis in des 19. Joarhundad zruckvafoing, manche fihrn de Uaspringe af des 16. Joarhundat ois Sproch dea Martosn und Seefohra zruck. Polari is inden 1960 Joarn duach des das BBC-Radioprogramm Round the Horne, wo ea vo de Camp-Charaktern Julian und Sandy vawendt woan is bekannt woan.

Polari setzt se aas vaschiednstn Sprocheneiflissn zuasamma, dorunta Romani (Sproch dea Roma), Italienisch, Englisch, Cockney mid „Rhyming slang“, „Back slang“ (phonetisch rickwärts gredd), Matrosenslang und Theatasproch, wobei de Grammatik af dem Englischn basiar. Spada san a no Eiflisse vom Jiddischen sowia vo im Zwoatn Wejdkriag in England stationiertn Truppn aaa den Vaoanigtn Stootn hinzua. De Sproch hod se dauand weidaentwicklt und hod an Grundwoatschotz vo 20 Weatan und iwa 500 weidare ned so bekannte Weata.

De Sproch is vo Homosexuejn, um uneakannt gegniba Aassnstehendn kommuniziaen zua könna. Oanige Begriffe ham Eigang in den Mainstream-Slang gfundn. Ois 1967 des Totalvabot fia Homosexualität gfoin is, hod de Vawendung obgnumma. Heid is Polari vom Aasstem bedroht.^[2]

Beispui: „Schau dia den tolln schwula Mo mid sein schna Gsicht und seina fantastischn Frisua o!“ klingt im Eigweihtn vaständlichn Polari ungefähr so: „Vada that bona omi-paloni with his dolly eek and fantabulosa riah!“

1. ↑ M. Paul Lewis (Hg.): Polari, in: Ethnologue: Languages of the World, 16. Ausgabe, SIL International, Dallas (Texas), 2009, Online version
2. ↑ Jonny Payne: Gay language Polari at risk of dying out (Memento vom 14. Dezémber 2010 im Internet Archive), PinkPaper.com, 10. Dezember 2010